Puji syukur kapanjataken dhumateng Allah Swt. amargi sampun maringi rahmat sarta karunianipun dhumateng kula, saengga kula saged ngrampungaken panyusunan buku Tembung Ngoko–Krama–Bahasa Indonesia punika. Buku Tembung Ngoko–Krama–Bahasa Indonesia ngawrat daftar tembung basa Ngoko, basa Krama, sarta basa Indonesia. Ananging daftar tembung kasebut namung ngemot sawenah tembung ingkang asring dipunginakaken ing pasrawungan saben dintenipun. Ing pangajab buku Tembung Ngoko–Krama–Bahasa Indonesia punika saged kangge njangkepi kabetahan piwulang basa Jawi para siswa SD, SMP, SMA, saha para pamarsudi sanesipun. Saengga sadaya kala wau saged nyengkuyung dhumateng pamarentah anggenipun memetri lan ngleluri basa Jawi. Panulisan buku punika sinartan pangajeng-ajeng, mugi-mugi buku punika nggadhahi paedah kangge para siswa saha para pamarsudi sanesipun anggenipun nyinau basa Jawi.