Rahatan bakukutuan di watun astana kamarian nangitu, babaya Ki Mas Lalana tuntung mangisahakan dimapa asal kunat di kupalanya, balalu hati Putri Kalungsu asa disambar patir. Inya hanyar haja sadar mun lakinya nangini kada lain pada anaknya saurang, si Sakar Sungsang nang bahari tajun maninggalakan astana limbah dicatuk-nya di kupala lawan wancuh gangsa wayah inya maharu wajik. Umai, asa liwar bapanyasalan hatinya. Asa takulum bara api. Tagal, dimapa ha lagi inya handak balimbah, samunyaan hudah bakaja-dian. Limbah pang, nangapa nang musti digawinya? Dimapa jua kaina hidupnya laki-bini limbah kajadian nangitu? Nah, lamunnya pian handak tahu dimapa sambungan kisahnya, baca saurang kisah “Asa Takulum Bara” nang ada di buku ngini.